Serdar Ünsal: Türkiyə Azərbaycanın hər bir uğuruna ürəkdən sevinir
Ankara, 18 oktyabr, AZƏRTAC
Müasir Azərbaycan sürətlə inkişaf edən, nüfuzu həm regional, həm də beynəlxalq miqyasda durmadan artan dövlətdir. Qardaş ölkənin əldə etdiyi nailiyyətlər bilavasitə Ümummilli Lider Heydər Əliyevin layiqli davamçısı Prezident İlham Əliyevin uzaqgörən və düşünülmüş siyasəti ilə bağlıdır.
Bu barədə AZƏRTAC-a Türkiyə-Azərbaycan Dostluq Dərnəkləri Federasiyasının (TADDEF) sədr müavini Serdar Ünsal Azərbaycanın dövlət müstəqilliyinin bərpasının 34-cü ildönümü ilə bağlı deyib.
O, ölkənin qərb rayonları ilə Naxçıvan Muxtar Respublikası arasında kommunikasiyaların bərpasının Azərbaycanın uğurları silsiləsinin növbəti biri olacağına əminliyini ifadə edib.
“Ümid edirəm ki, biz Azərbaycanın müstəqilliyinin bərpasının növbəti ildönümünü fəaliyyətə başlayan Zəngəzur dəhlizi ilə qeyd edəcəyik”, - deyə agentliyin həmsöhbəti qeyd edib.
TADDEF rəhbərinin müavini Azərbaycan ilə Türkiyə arasında birlik və həmrəyliyin hər iki ölkənin mənafeyinin qorunmasında əhəmiyyətini qeyd edərək, Türkiyə xalqının Azərbaycan xalqı ilə həmrəy olduğunu vurğulayıb: “Türkiyə Azərbaycanın hər bir uğuruna ürəkdən sevinir”.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
