“Şərq filologiyası məsələləri” toplusunun 12-ci buraxılışı çapdan çıxıb
Bakı, 7 mart, AZƏRTAC
AMEA-nın akademik Ziya Bünyadov adına Şərqşünaslıq İnstitutunun “Şərq filologiyası məsələləri” məqalələr toplusunun 12-ci buraxılışı çapdan çıxıb.
İnstitutdan AZƏRTAC-a bildirilib ki, topluya daxil edilən məqalələr Yaxın və Orta Şərq ədəbiyyatının aktual problemlərinə həsr olunub. Məqalələr böyük regionu, həmçinin orta əsrlərdən başlayaraq bu günə qədər davam edən geniş dövrü əhatə edir.
Topluda “Bədr Şirvaninin panegirik poeziyası”, “Xaqlidə Ədib Adıvarın yaradıcılıq yolu”, “Abay Kunanbayevin şeir yaradıcılığı”, “Qaraqoyunlular dövründə farsdilli ədəbiyyat və nümayəndələri”, “Almaniyada türk mühacirət ədəbiyyatı”, “Avestada dini motivlərin spesifikası”, “Orta əsrlər farsdilli ədəbiyyatı və Məsturə yaradıcılığı, “Əbubəkr ibn Xosrov əl-Ustadın “Munisnamə”sinin farsdilli Azərbaycan ədəbiyyatında yeri”, “Kitabi-tac-ədəb” əsəri dünya kitabxanalarında”, “Dostoyevski yaradıcılığında Şərq”, “Gender problemi son dövr ərəbşünas alimlərin tədqiqatlarında”, “Xəridətül-Qəsr və Cəridətül-Əsr” əlyazmasında əcəm şairləri haqqında məlumat” və digər elmi məqalələr yer alıb.
Bölmənin digər xəbərləri
