Sertaç Eray Ersay: Türkiyə yaradıcı sənaye təcrübəsini Azərbaycanla bölüşməyə hazırdır
Bakı, 28 noyabr, AZƏRTAC
Azərbaycanda böyük tarixi keçmişlə yanaşı, həm də perspektivli gənc nəsil var. Bu, çox böyük potensial vəd edir.
Bu sözləri AZƏRTAC-a müsahibəsində Mədəniyyət və Yaradıcı Sənayelər Forumunda iştirak edən Türkiyə Yaradıcı Sənayelər Şurasının rəhbəri Sertaç Eray Ersay deyib.
“Türkiyə olaraq, yaradıcı sənaye təcrübəmizi Azərbaycanla bölüşməyə, işbirliyi qurmağa hazırıq. Bu istiqamətdə bir-birinə bağlı bir sıra sahələr var ki, paralel şəkildə inkişaf etdirilməlidir. Bu mənada, özəl və dövlət qurumlarının da dəstəyi vacibdir", - deyə o əlavə edib.
Şura rəhbəri qeyd edib ki, yaradıcı sənaye bütün mədəni sahə və istiqamətləri birləşdirərək böyük bir iş modeli formalaşdırır: “Bu iş modeli formalaşarsa, bərabər öyrənib, bərabər uğurlar qazana bilərik”.
Bölmənin digər xəbərləri
