Sərxan Hacıyev: Amputant millimizin bürünc medal qazanması yaxşı nəticədir
Bakı, 19 oktyabr, AZƏRTAC
Sevindiricidir ki, amputant futbolu üzrə Millətlər Liqasının oyunları Azərbaycanda keçirildi. Millimiz də turnirdə yaxşı çıxış etdi.
AZƏRTAC xəbər verir ki, bunu AFFA-nın icraçı vitse-prezidenti Sərxan Hacıyev amputant futbolu üzrə Azərbaycan millisinin Bakıda keçirilən Millətlət Liqasında bürünc medal qazanması barədə danışarkən deyib.
O, nəticəni müsbət qiymətləndirdiklərini bildirib: “Komandamız bürünc medalla kifayətləndi. Təbii ki, yığmamızdan daha yaxşı nəticə gözləyirdik. Amma bu nəticə də bizi qane edir. Futbolçularımız axıra kimi mübarizə apardılar. Nəticəni yaxşı qiymətləndiririk”.
Qeyd edək ki, millimiz Belçikaya 3, Niderlanda 1 cavabsız qolla qalib gəlib, İsraillə qolsuz heç-heçə edib, Ukraynaya 1:3 hesabı ilə uduzub.
Bölmənin digər xəbərləri
