Şimal-qərb küləyi səhər saatlarından etibarən mülayimləşib
Bakı, 24 avqust, AZƏRTAC
Milli Hidrometeorologiya Xidmətinin məlumatına əsasən avqustun 24-ü səhərədək ölkə ərazisində qeyri-sabit hava şəraiti davam edib, bəzi yerlərdə şimşək çaxıb, arabir leysan xarakterli yağış yağıb, ayrı-ayrı yerlərdə intensiv və güclü olub.
Xidmətdən AZƏRTAC-a bildiriblər ki, düşən yağışın miqdarı Balakən-Şəki zonasında 11-70, Mərkəzi Aran rayonlarında 5-34, Kiçik Qafqazda 4-12, Naxçıvan Muxtar Respublikasında 8-15, Qazax-Gəncə zonasında 2-10, Bakıda və Abşeron yarımadasında 2-7 millimetr təşkil edib.
Şimal-qərb küləyi əsib, səhər saatlarından tədricən 7-12 metr/saniyəyədək mülayimləşib.
Avqustun 23-də Bakıda havanın temperaturu iqlim normasından 6-7° aşağı olub. Havanın maksimal temperaturu Bakıda və Abşeron yarımadasında 21-23°, Aran rayonlarında 17-23°, dağlıq rayonlarda 12-14°, Naxçıvan Muxtar Respublikasında 18-25° isti olub.
Bölmənin digər xəbərləri
