Şimali Makedoniyada meşə yanğınları başlayıb
Skopye, 22 iyul, AZƏRTAC
Şimali Makedoniyanın bir neçə bölgəsində meşə yanğınları baş verib.
AZƏRTAC xəbər verir ki, ötən sutka ərzində müxtəlif yerlərdə 38 yanğın qeydə alınıb. Onlardan 27-si söndürülüb, 5-i nəzarət altına alınıb, 6-sı isə hələ aktivdir. Ümumilikdə 32 hektardan çox ərazinin yandığı bildirilir.
Ölkə ərazisində havanın temperaturu 35-42 dərəcə arasında dəyişir. Anomal istilərlə bağlı əhaliyə xəbərdarlıq edilib.
Şimali Makedoniyada baş verən meşə yanğınlarının Qərbi Balkan regionunda müşahidə edilən isti hava şəraiti ilə bağlı olduğu bildirilir.
Nihad Budaqov
AZƏRTAC-ın xüsusi müxbiri
Skopye
Bölmənin digər xəbərləri
