“ŞİNDAN” BEŞULDUZLU OLACAQ
İkimərtəbəli yeni korpusun birinci mərtəbəsində 100 kvadratmetrlik üzgüçülük hovuzu, 80 kvadratmetrlik trinajor zalı, 2 sauna, təzyiqli duş vannaları, masaj otağı olacaqdır. İkinci mərtəbədə isə 300 yerlik restoran və 40 nəfərlik banket zalı yerləşəcəkdir.
Yeni korpusun tikintisində 30 nəfər yerli inşaatçı çalışır. Bina istifadəyə verildikdən sonra mehmanxanada daha 30 nəfər daimi işlə təmin ediləcəkdir.
“Şindan”ın icraçı direktoru Akif Əliyev bildirmişdir ki, yeni korpus istifadəyə verildikdən sonra mehmanxananın beşulduzlu status alması məqsədi ilə Mədəniyyət və Turizm Nazirliyinə müraciət olunacaqdır. Obyekt avqust ayında istifadəyə veriləcəkdir.
Bölmənin digər xəbərləri
