SİYASİ DETEKTİV HƏVƏSKARLARINI TELESÜRPRİZLƏR GÖZLƏYİR
Tanınmış Azərbaycan yazıçısı Çingiz Abdullayevin romanları əsasında Rusiyada üç telelayihə həyata keçirilir.
Azərbaycan Yazıçılar Birliyindən AZƏRTAC-a bildirmişlər ki, rejissorlar V.Uskov və V.Krasnopolski “Telefilm” şirkəti ilə birlikdə TVS kanalında həmyerlimizin romanları əsasında hər biri iki seriyadan ibarət beş filmin çəkilişinə başlamışlar.
NTV kanalında “Qisas standartı” romanı əsasında səkkiz seriyalı teleserialın ssenarisi üzərində iş başa çatmaq üzrədir. ORT kanalı isə NTV-Kino şirkəti ilə birlikdə “Dronqo” teleepopeyasının çəkilişlərini davam etdirir. Daha yeddi seriya çəkmək nəzərdə tutulmuşdur.
Xatırladaq ki, Çingiz Abdullayev yeganə əcnəbi yazıçıdır ki, onun əsərləri əsasında Rusiyanın aparıcı televiziya kanalları eyni vaxtda üç serial çəkir.
Bölmənin digər xəbərləri
