SOCAR Ukraynada gəmilər üçün yeni yanacaqdoldurma məntəqələri açıb
Kiyev, 25 may, AZƏRTAC
SOCAR Ukraynadakı nümayəndəliyi olan “SOCAR Energy Ukraine” şirkəti iki neft bunker gəmisini - kiçik və ortaölçülü gəmilərin yanacaqla doldurulması üçün hazırlanmış su doldurma stansiyalarını işə salıb.
Bu barədə AZƏRTAC-a şirkətdən məlumat verilib.
Yanacaqdoldurma məntəqələrindən (YDM) biri Kiyevdə “Muromets” parkının ərazisində, ikincisi isə Odessa vilayətində, “Savinyon” yaxt-klubunun akvatoriyasında yerləşir.
Qeyd edək ki, “SOCAR Energy Ukraine” SOCAR-ın törəmə şirkətidir. SOCAR-ın Ukraynadakı nümayəndəliyi 2008-ci ildə açılıb. Hazırda premium-klass yanacaqdoldurma məntəqələri şəbəkəsinə 60-a yaxın kompleks və 4 neft bazası daxildir, onlar Ukraynanın 11 vilayətində fəaliyyət göstərir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
