Son 14 ildə Azərbaycanda 30 elektrik stansiyası tikilib
Bakı, 26 aprel, AZƏRTAC
Son 14 ildə Azərbaycanda 30 elektrik stansiyası tikilib.
AZƏRTAC xəbər verir ki, bu barədə “Azərenerji” ASC-nin prezidenti Etibar Pirverdiyev Yeni Azərbaycan Partiyasının rəsmi saytına müsahibəsində deyib.
O bildirib ki, 2004-cü ilə qədər Azərbaycanda cəmi 9 elektrik stansiyası mövcud idi və onların ümumi potensialı 3900 meqavata bərabər idi. Son 14 ildə isə respublikamız məqsədyönlü investisiya qoyuluşu sayəsində ümumi generasiya gücü 2500 meqavata çatan 30 elektrik stansiyası tikməyə nail olub. Beləliklə, hazırda respublikanın elektroenergetika sistemində ümumi gücü 6000 meqavatdan artıq olan 38 elektrik stansiyası fəaliyyət göstərir. Onlardan 16-sı istilik elektrik stansiyası, 12-si su elektrik stansiyası, 6-sı kiçik su elektrik stansiyası, 1-i hibrid tipli elektrik stansiyası və 3-ü günəş elektrik stansiyasıdır.
Bölmənin digər xəbərləri
