Eldar Yuldaşev: Gələn il də Laçına yeni filmlərlə gəlməyi planlaşdırırıq
Laçın, 26 avqust, AZƏRTAC
“Əmir Teymur” filminin Qarabağda keçirilən premyerası Özbəkistanda ərsəyə gələn ekran əsərinin bu bölgədə ilk nümayişi olub. Bu hadisə bizim üçün böyük bayramdır.
Bunu AZƏRTAC-ın bölgəyə ezam olunan müxbirinə açıqlamasında “Əmir Teymur” filminin prodüseri Eldar Yuldaşev deyib.
O diqqətə çatdırıb ki, ekran əsərinin hazırlanması 7 il davam edib. “Bu müddət ssenarinin hazırlanmasından çəkilişlərə və montaj prosesinə qədər olan mərhələni əhatə edib. Filmin ərsəyə gəlməsində 8 ölkədən – Özbəkistan, Qazaxıstan, Qırğızıstan, Amerika Birləşmiş Ştatları, Hindistan, Almaniya, Avstraliya və Danimarkadan yaradıcı heyət və iştirakçılar yer alıb. Gələn il də Laçına yeni filmlərlə gəlməyi planlaşdırırıq”,- deyə Eldar Yuldaşev əlavə edib.
Müxbir - Fidan Əlizadə
Bölmənin digər xəbərləri
