Birləşmiş Ştatların gündəlik neft istehsalı azalıb
Bakı, 24 sentyabr, AZƏRTAC
Birləşmiş Ştatların gündəlik xam neft istehsalı azalıb.
AZƏRTAC ABŞ-nin Enerji İnformasiya Administrasiyasının (EIA) məlumatına istinadla xəbər verir ki, Birləşmiş Ştatların neft hasilatı ötən hesabat həftəsində 5 min barel azalaraq sutkada orta hesabla 13 milyon 939 min barel olub.
Keçən həftə ABŞ-nin neft idxalı əvvəlki həftəyə görə 1 milyon 181 min barel azalaraq sutkalıq 5 milyon 877 min barel, neft ixracı da əvvəlki həftə ilə müqayisədə 1 milyon 550 min barel azalaraq gündəlik 3 milyon 281 min barel təşkil edib.
EIA-nın proqnozuna görə, cari ildə Birləşmiş Ştatların neft hasilatının gündəlik orta hesabla 13 milyon 830 min barel, gələn il isə 14 milyon 260 min barel olacağı gözlənilir.
Bölmənin digər xəbərləri
