Sumqayıtda ağacların kəsilməsi ilə bağlı araşdırma aparılmışdır
Bakı, 17 may (AZƏRTAC). Ekologiya və Təbii Sərvətlər Nazirliyinin (ETSN) əməkdaşları Sumqayıt şəhərində ağacların kəsilməsi ilə bağlı araşdırma aparmışlar.
Araşdırma ETSN-ə “Sumqayıt” şadlıq evinin yanındakı ərazidə ağaclarının kəsilməsi ilə bağlı daxil olmuş müraciət əsasında aparılmışdır.
Nazirliyin mətbuat xidmətindən AZƏRTAC-a bildirmişlər ki, araşdırma zamanı həmin ərazidə yaşköküstə diametri 32-36 santimetr 7 ədəd qarağacın 1,5-2 metr hündürlüyündən qanunsuz budanması faktı aşkar edilmişdir.
Qanunu pozmuş Telman Rzayevə akt və protokol tərtib edilərək fiziki şəxs qismində 8 min 400 manat məbləğində cərimə tətbiq olunmuşdur.
Bölmənin digər xəbərləri
