“Təbiətin dostları” qrupu Şirvan Milli Parkında
Bakı, 16 may, AZƏRTAC
Bakı Türk Anadolu Liseyinin şagird və müəllimlərindən, bir neçə QHT nümayəndəsi və Eko-Aləm İctimai Birliyinin üzvlərindən ibarət “Təbiətin dostları” qrupu Şirvan Milli Parkına səyahət ediblər. Ekskursiya Ekologiya və Təbii Sərvətlər Nazirliyinin razılığı ilə Eko-Aləm İctimai Birliyi tərəfindən təşkil edilib.
İctimai Birlikdən AZƏRTAC-a bildirilib ki, “Təbiətin dostları” qrupunun üzvlərinə Şirvan Milli Parkının fauna və florası ilə bağlı ətraflı məlumat verilib. Uşaqlar Milli Parkın ərazisində yaşayan ceyranları təbii yaşayış yerlərində izləyib, ətraf mühiti müşahidə edərək şəkillər çəkiblər.
Ekskursiyada ümumilikdə 39 nəfər iştirak edib.
Bölmənin digər xəbərləri
