TƏHSİL NAZİRLİYİ MƏTBUAT XİDMƏTİNİN MƏLUMATI
Azərbaycan Respublikası Təhsil Nazirliyi bildirir ki, hər il olduğu kimi bu il də Gürcüstandakı Azərbaycan məktəbləri üçün ayrılmış 12 adda 30.855 nüsxə I-IV sinif dərsliyi respublikamızın direktiv orqanlarının razılığı ilə Gürcüstana yola salınmışdır. Müvafiq sənədləşdirmə işlərindən sonra həmin dərsliklər hazırda Gürcüstan Təhsil Nazirliyinin göstərişinə əsasən Marneuli rayonunun təhsil şöbəsinə təhvil verilmişdir. Gürcüstan Təhsil Nazirliyinin bölgüsü əsasında dərsliklər rayonlar və məktəblər arasında bölüşdürülərək yerlərə çatdırılır.
Dərsliklərin üzərinə “Bu dərslik Azərbaycan Respublikasının Prezidenti cənab Heydər Əliyevin sizə hədiyyəsidir” sözləri yazılmışdır.
Dərsliklərin Gürcüstana çatdırılmasındakı təşkilati məsələlərə Azərbaycan Respublikası baş nazirinin birinci müavini cənab Abbas Abbasov yaxından kömək etmişdir.
Bölmənin digər xəbərləri
