“Təmiz Şəhər” ASC universitetlərdə tullantıların düzgün idarəolunması ilə bağlı maarifləndirmə tədbirlərini davam etdirir
Bakı, 1 noyabr (AZƏRTAC). “Təmiz Şəhər” Açıq Səhmdar Cəmiyyəti (ASC) tərəfindən ali təhsil müəssisələrində tullantıların düzgün idarəolunmasını təbliğ etmək məqsədi ilə maarifləndirmə tədbirləri davam etdirilir.
ASC-nin mətbuat xidmətindən AZƏRTAC-a bildirmişlər ki, növbəti maarifləndirmə tədbiri Azərbaycan Dövlət Neft Akademiyasında (ADNA) keçirilmişdir.
Təmiz Şəhər” ASC-nin ətraf mühitin mühafizəsi şöbəsinin müdiri Sabit Zeyniyev ADNA-nın tələbələrinə tullantıların idarəolunması sahəsində ətraflı məlumat vermiş və onları maraqlandıran sualları cavablandırmışdır.
Eyni zamanda, bu ilin noyabrından Azərbaycan Diplomatik Akademiyasında, dekabr ayından etibarən isə Bakı Dövlət Universitetinin ekologiya fakültəsində tələbələr üçün seminarlar keçiriləcəkdir.
Bölmənin digər xəbərləri
