TEO UOLKOTT DÜNYA ÇEMPİONATININ ƏN GƏNC FUTBOLÇUSU OLACAQ

19.05.2006 [16:00]
Çap et
A⁺ A^-

AZƏRTAC Röyter agentliyinə istinadla xəbər verir ki, iyunun 9-da Almaniyada başlanacaq dünya çempionatının ən gənc oyunçusu 17 yaşlı britaniyalı Teo Uolkott, ən yaşlı futbolçusu isə Tunis komandasının qapıçısı Əli Bumnijel olacaqdır.

T.Uolkottun yığmaya daxil edilməsi gözlənilməz olmuşdur. İngiltərənin “Arsenal” komandasının bu hücumçusu ölkənin güclülər dəstəsinin oyunlarında bir dəfə də iştirak etməmişdir. O, braziliyalı Peledən sonra dünya birinciliyində iştirak edən ikinci ən gənc futbolçu olacaqdır.

Ə.Bumnijel isə dünya çempionatının ən yaşlı oyunçuları arasında kamerunlu Roje Mill, Şimali irlandiyalı Pet Cenninqs, ingilis Piter Şilton və italiyalı Dino Zoffdan sonra beşinci yeri tutacaqdır.

Çempionatda iştirak edəcək 32 komandanın 736 oyunçusundan 102-si İngiltərə klublarında çıxış edirlər.