Tərtərdə evlərdən oğurluq etməkdə şübhəli bilinən şəxslər saxlanılıblar
Tərtər, 10 fevral, AZƏRTAC
Tərtər Rayon Polis Şöbəsinin əməkdaşlarının keçirdikləri tədbirlər nəticəsində rayon ərazisindəki fərdi yaşayış yerlərindən oğurluq etməkdə şübhəli bilinən şəxslər tutulublar.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-ın bölgə müxbirinə verilən məlumata görə, polis əməkdaşlarının keçirdikləri tədbirlərlə oğurluq əməllərini törətməkdə şübhəli bilinən rayon sakinləri Rəhman Səfərov və Şahmar Rəsulov saxlanılıblar. Araşdırmalarla R.Səfərov pul və qızıl zinət əşyaları, Ş.Rəsulovun isə iribuynuzlu mal-qara oğurlayaraq vətəndaşlara maddi ziyan vurduqları müəyyən olunub.
Faktlarla bağlı istintaq davam etdirilir.
Bölmənin digər xəbərləri
