ELM VƏ TƏHSİL
TEXNİKİ UNİVERSİTETİN BEYNƏLXALQ ƏLAQƏLƏRİ GENİŞLƏNİR
ABŞ Dövlət Departamentinin elm və tədqiqatlar şöbəsinin nümayəndəsi Conatan Cebra ilə Azərbaycan Texniki Universitetində görüş keçirilmişdir.
Görüşdə iki ölkə arasında ali təhsil sahəsində əməkdaşlığın vəziyyəti və inkişafı perspektivləri müzakirə olunmuş və universitetin bakalavr pilləsində oxuyan tələbələrin tədris proqramının daha da təkmilləşdirilməsinə kömək edəcək layihə qəbul edilmişdir. Layihə qrant verilməsi üçün Dövlət Departamentinin nümayəndəsinə təqdim olunmuşdur.
Sonra qonaq TASİS-TEMPUS proqramına uyğun olaraq, bu ali təhsil ocağında yaradılmış müasir tədris laboratoriyaları və son vaxtlar görülmüş işlərlə tanış olmuşdur.