TOMSKLU ANTİSEMİTLƏR 23 İL MÜDDƏTİNƏ AZADLIQDAN MƏHRUM EDİLMİŞLƏR
AZƏRTAC “Exo Moskvı” radiostansiyasına istinadla xəbər verir ki, Tomsk vilayət məhkəməsi maşın yolunda “Yəhudilərə ölüm!” sözləri yazılan, minalanmış plakat qoymuş dəstənin iştirakçılarını təqsirli saymışdır. Əsas müttəhim Viktor Lukyançikov törətdiyi cinayətlərə görə cəzasını ciddi rejimli koloniyada çəkməklə 23 il, onun cinayət yoldaşı İqor Kirillov isə 20 il müddətinə azadlıqdan məhrum edilmişdir. Dəstənin üçüncü iştirakçısı Vladimir İstomin özünü təqsirli bilmiş və istintaqa kömək etməsi nəzərə alınaraq, 6 il 1 ay müddətinə azadlıqdan məhrum olunmuşdur.
İstinaq nəticəsində müəyyən olunmuşdur ki, cinayətkar dəstənin üzvləri 1999-cu ildən 2004-cü ilədək, qətllər daxil olmaqla, 10-dan çox ağır cinayət törətmişlər.
Antisemit yazılı plakat yol göstəricisinə 2002-ci ildə bərkidilmişdi. Yoldan keçən iki kişi plakatı qoparmaq istəyərkən partlayış baş vermiş, onlar qəlpə yaraları almışlar.
Bölmənin digər xəbərləri
