Torpaqşünaslıq və Aqrokimya İnstitutunda torpaqların münbitləşdirilməsi strategiyası hazırlanıb
Bakı, 19 iyun, AZƏRTAC
AMEA-nın Torpaqşünaslıq və Aqrokimya İnstitutu “Azərkosmos” Açıq Səhmdar Cəmiyyəti ilə bağlanmış müqavilə əsasında Salyan və Neftçala rayonları ərazilərində şorlaşmaya məruz qalmış torpaqların sahələrini və ərazilərin əhatə koordinatlarını müəyyənləşdirib.
Torpaqşünaslıq və Aqrokimya İnstitutunun direktoru, AMEA-nın müxbir üzvü, professor Əlövsət Quliyev AZƏRTAC-a açıqlamasında bildirib ki, institutda həmin torpaqların münbitləşdirilməsi strategiyası işlənib hazırlanıb. Hazırda davamlı və ərzaq təminatında mühüm rol oynayacaq zəif və orta dərəcədə şorlaşmaya uğramış torpaqların münbitliyinin bərpası istiqamətində tədqiqatlar davam etdirilir.
Bölmənin digər xəbərləri
