Tramp: Maliki baş nazir seçilsə, ABŞ İraqa kömək etməyəcək
Vaşinqton, 28 yanvar, AZƏRTAC
Eşitdiyimə görə, İraq Nuri əl-Malikini yenidən Baş nazir vəzifəsinə təyin etməklə çox pis bir seçim astanasındadır.
AZƏRTAC-ın məlumatına görə, bu sözləri ABŞ Prezidenti Donald Tramp “Truth” sosial mediasında yazıb. O deyib ki, Maliki sonuncu dəfə hakimiyyətdə olanda ölkə yoxsulluq, tam xaosla üzləşib və bunun bir daha baş verməsinə icazə verilməməlidir.
“Əgər seçilərsə, onun ağlasığmaz siyasəti və ideologiyalarına görə Amerika Birləşmiş Ştatları artıq İraqa kömək etməyəcək. Biz kömək etməsək, İraqın uğur, çiçəklənmə və azadlıq şansı sıfıra bərabər olacaq”, - deyə Tramp bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
