Türk professor Fatma Dəniz Berlin Texniki Universitetinin rektoru seçilib
Berlin, 4 dekabr, AZƏRTAC
Türk professor Fatma Dəniz Berlin Texniki Universitetinin yeni rektoru seçilib.
AZƏRTAC xəbər verir ki, 42 yaşlı F.Dəniz səsvermədə hazırkı rektordan iki dəfə çox səs toplayıb. O, vəzifəsinin icrasına gələn il aprelin 1-dən başlayacaq və dörd il fəaliyyət göstərəcək.
Münxendə doğulan F.Dəniz orta təhsilinin bir hissəsini Türkiyədə alıb. O, universiteti Münxendə bitirdikdən sonra Kaliforniya Universitetində (Berkeley) elmi tədqiqatlar aparıb. Hazırda Berlin Texniki Universitetində rəqəmsallaşma və dayanıqlılıq üzrə vitse-prezident və informatika professoru vəzifəsində çalışan F.Dənizin elmi fəaliyyəti informatika ilə neyroelmin sintezi, xüsusilə beyin və texnoloji sistemlərdə dil emalı, süni intellekt sahələrini əhatə edir.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
