Türkiyə ərazisində 5,1 bal gücündə daha bir zəlzələ baş verib
İstanbul, 1 fevral, AZƏRTAC
Egey dənizində Türkiyənin İzmir vilayətinin Karaburun rayonuna yaxın bölgədə 5,1 bal gücündə daha bir yeraltı təkan baş verib.
AZƏRTAC xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Yeraltı təkanlar yerli vaxtla saat 11:35-də qeydə alınıb.
Səhər saatlarından bölgədə ona yaxın zəlzələ baş verib. Onlardan ən böyüyü yerli vaxtla saat 08:46-da 5,1 bal gücündə olub.
Zəlzələ İstanbul başda olmaqla bir sıra vilayətdə hiss edilib.
Xəsarət alanlarla bağlı hələ ki, məlumat yoxdur.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
