TÜRKİYƏ NATO-NUN ƏFQANISTANA ƏLAVƏ QOŞUN GÖNDƏRMƏK TƏLƏBİNİ RƏDD ETDİ
Yaşar Böyükanıt Türkiyənin NTV telekanalına müsahibəsində NATO-nun tələbinə belə münasibət bildirmişdir: “Heç bir türk əsgəri terrorizmlə mübarizə aparmağa getməyəcəkdir. Buna lüzum yoxdur. Bundan söhbət də gedə bilməz”.
General vurğulamışdır ki, Türkiyə NATO-nun Əfqanıstanda apardığı hərbi əməliyyata öz töhfəsini vermişdir və verir. O demişdir: “Bundan başqa, ölkəmiz İSAF-a iki dəfə komandanlıq etmişdir və indi bu qüvvələrə Kabil rayonunda rəhbərlik edir. Burada 260 türk hərbi qulluqçusu var”.
NATO-nun Əfqanıstandakı qoşunlarının komandanı general Ceyms Cons bildirmişdir ki, müttəfiqlər ölkənin cənubunda taliblərin müqavimət qüvvələrini lazımınca qiymətləndirmədilər, buna görə də bu qoşunlar gücləndirilməlidir.
Hazırda NATO qoşunları Əfqanıstanın cənubunda taliblərə qarşı genişmiqyaslı əməliyyat aparırlar.
Bölmənin digər xəbərləri
