Türkiyə ordusunun Azərbaycan əsilli polkovniki Aslan Hacızadə kimdir?
Bakı, 9 fevral, AZƏRTAC
Azərbaycan Xalq Cümhuriyyətinin (AXC) 100 illiyi ilə əlaqədar “Azərbaycanca Vikipediya”da Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) təlim iştirakçıları tərəfindən AXC-nin tanınmış şəxsiyyətləri haqqında məqalələr yaradılır, onlar barədə yarımçıq qalmış məlumatlar redaktə edilir.
Kitabxanadan AZƏRTAC-a bildiriblər ki, “Azərbaycanca Vikipediya”da AXC ordusunun topçu briqadasının zabiti, Qurtuluş savaşının iştirakçısı, Türkiyə Silahlı Qüvvələrinin polkovniki Aslan Hacızadə (Berkan) haqqında məqalə yaradılıb. Məqalə ilə https://az.wikipedia.org/wiki/Aslan_Hac linkində tanış olmaq mümkündür.
Məqalə tanınmış müstəqil tədqiqatçı Orxan Cəbrayılın araşdırması əsasında hazırlanıb.
A.Hacızadə 1897-ci ildə Qarabağ əyalətinin Cavanşir qəzasının mərkəzi olan Tərtər şəhərində anadan olub. O, Türkiyəyə mühacirət etdikdən sonra bir müddət Aslan Qarabağlı olaraq tanınsa da, bu ölkədə soyad qanununun çıxmasından sonra Berkan soyadını götürüb. A.Hacızadə 1957-ci il mayın 7-də Türkiyənin İzmir şəhərində infarktdan vəfat edib.
Bölmənin digər xəbərləri
