Türkiyə Prezidenti Administrasiyası Suriyada baş verən hadisələrlə bağlı açıqlama verib
İstanbul, 20 yanvar, Günel Karatepe, AZƏRTAC
Türkiyə Prezidenti Administrasiyasının İctimaiyyətlə əlaqələr departamenti son günlər Suriyada baş verən hadisələrlə bağlı yayılan yalan xəbərlərlə əlaqədar açıqlama verib.
AZƏRTAC xəbər verir ki, açıqlamada Suriyada baş verən prosesdə Türkiyənin dəstəyi ilə Suriya ordusu tərəfindən İŞİD terrorçularının azad edildiyi iddiasının tamamilə əsassız olduğu vurğulanır.
“Bölgədə İŞİD-ə qarşı ən güclü mübarizəni aparan və bu günə qədər bu terror təşkilatına ən böyük zərbəni vuran ölkənin Türkiyə olduğu hamıya məlumdur. İctimaiyyətin və əsrlər boyu eyni coğrafiyanı, bir çox ortaq dəyərləri paylaşdığımız dost, qardaş və qonşularımızın bu cür əsassız iddialara etibar etməməsini xüsusilə xahiş edirik” - deyə məlumatda bildirilir.
Bölmənin digər xəbərləri
