TÜRKİYƏ YUNANISTAN XİN BAŞÇISININ TƏKLİFİNƏ MÜSBƏT CAVAB VERMİŞDİR

20.01.2004 [13:27]
Çap et
A⁺ A^-

AZƏRTAC-ın müxbiri Ankaradan xəbər verir ki, Türkiyə müdafiə xərclərini tədricən, qarşılıqlı və tarazlı surətdə azaldıb, bundan əldə olunan vəsaitin sosial-iqtisadi ehtiyaclara yönəldilməsi barədə Yunanıstanın xarici işlər naziri Georgios Papandreunun təklifinə müsbət cavab vermişdir.

Türkiyə xarici siyasət idarəsinin başçısı Abdullah Gül Yunanıstanın özəl telekanalına müsahibəsində demişdir: “Bu, yaxşı təklifdir və biz onunla razıyıq. Bizim də belə niyyətlərimiz var. Biz Yunanıstanla aramızda yaxşı, mehriban qonşuluq münasibətləri olmasını və regionumuzda əməkdaşlıq üçün yeni ab-hava yaradılmasını istəyirik”.

Abdullah Gül xatırlatmışdır ki, Türkiyə müdafiə xərclərini azaltmağa hələ ötən ildən başlamış, bir sıra hərbi təlimlərin keçirilməsini Yunanıstanla birlikdə təxirə salmış, etimad tədbirlərinin möhkəmləndirilməsinə dair Afina ilə 11 saziş imzalamış, Türkiyə-Yunanıstan sərhədindəki minaları yığışdırmağı qərara almışdır.

TÜRKİYƏ YUNANISTAN XİN BAŞÇISININ TƏKLİFİNƏ MÜSBƏT CAVAB VERMİŞDİR

MÜƏLLİFLƏ ƏLAQƏ

Bölmənin digər xəbərləri