Türkiyədə xarici vətəndaşlara daşınmaz əmlak satışlarının həcmləri azalır
Ankara, 20 fevral, AZƏRTAC
Cari ilin yanvar ayında xarici vətəndaşlar Türkiyədə 1306 daşınmaz əmlak obyekti alıblar ki, bu da ötən ilin eyni dövrü ilə müqayisədə 20,8% azdır.
AZƏRTAC Türkiyə Statistika İnstitutunun məlumatlarına istinadla xəbər verir ki, yanvar ayında xarici vətəndaşlar tərəfindən alınan obyektlərin ümumi daşınmaz əmlak satışlarında payı 1,2% təşkil edib.
İlin ilk ayında Türkiyə daşınmaz əmlakına ən çox tələbat Rusiya vətəndaşlarında (219 obyekt), İran vətəndaşlarında (118 obyekt) və Ukrayna vətəndaşlarında (77 obyekt) müşahidə olunub.
Əyalətlərə görə, xarici vətəndaşlar əsasən İstanbul, Antalya və Mersindəki əmlaklarla maraqlanırlar.
Analitiklər qeyd edirlər ki, 2025-ci ildə Türkiyədə xarici vətəndaşlar arasında daşınmaz əmlaka tələbat son doqquz ildə ən aşağı olub və bu tendensiya bu il də davam edir.
Bu azalmanın səbəbləri kimi daşınmaz əmlak qiymətlərinin artması və xarici investorlara Türkiyə vətəndaşlığının verilməsi ilə bağlı aktiv müzakirələr göstərilir.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
