Türkiyənin xarici işlər naziri 7 ərəb dövlətinin səfirlərini qəbul edib
Ankara, 23 mart, AZƏRTAC
Türkiyənin xarici işlər naziri Hakan Fidan martın 23-də Ankarada Körfəz Əməkdaşlıq Şurasına üzv ölkələrin səfirlərini və İordaniyanın diplomatik nümayəndəliyinin rəhbərini qəbul edib.
AZƏRTAC xəbər verir ki, görüş mətbuat üçün qapalı formatda keçirilib.
Bundan əvvəl, bazar ertəsi günü Hakan Fidanla Misir, Pakistan və Norveçin xarici işlər nazirləri arasında telefon danışığı baş tutub. Danışıqlar zamanı İran ətrafındakı münaqişənin hazırkı vəziyyəti ilə bağlı fikir mübadiləsi aparılıb, regionda deeskalasiyanın yaxınlaşdırılması istiqamətində addımlar müzakirə olunub.
Sülh diplomatiyası çərçivəsində Türkiyənin xarici işlər naziri martın 18-də Ər-Riyada, 19-da Dohaya, 20-də isə Əbu-Dabiyə səfər edib.
Körfəz Əməkdaşlıq Şurasına 6 ölkə – Qətər, Səudiyyə Ərəbistanı, BƏƏ, Küveyt, Oman və Bəhreyn daxildir.
Ankara
Bölmənin digər xəbərləri
