TÜRKMƏNİSTANIN MÜSTƏQİLLİYİNİN 15 İLLİYİ MÜNASİBƏTİLƏ 10 MİN MƏHBUSA AMNİSTİYA VERİLƏCƏKDİR
Ölkə Prezidenti Saparmurad Niyazov Taxta-bazar rayonunun pambıqçılıq və taxılçılıq təsərrüfatlarında olarkən demişdir: “Bu il mən 10 min məhbusu həbsxanalardan azad etmək niyyətindəyəm. Qarşıda bizi böyük bayram - müstəqilliyimizin 15 illiyi gözləyir. Biz bu bayram münasibətilə əksəriyyəti, demək olar ki, hamını azad edəcəyik”.
Türkmənistanda hər il Ramazan bayramı ərəfəsində, Qədir gecəsi münasibətilə amnistiya elan olunur. Azad edilən məhbuslar Qurana, çörəyə və S.Niyazovun “Ruhnamə” kitabına əl basıb and içməlidirlər ki, bir də heç vaxt cinayət törətməyəcəklər. Ötən il məhbusların təxminən üçdə iki hissəsi – 8 mindən çox adam azad edilmişdi.
Bölmənin digər xəbərləri
