TÜRKPA-nın müşahidəçilər missiyası Bakıdadır
Bakı, 29 oktyabr, AZƏRTAC
Oktyabrın 29-da Türkdilli Ölkələrin Parlament Assambleyasının müşahidəçiləri Azərbaycanda keçiriləcək parlament seçkilərini izləmək məqsədilə Bakıya gəliblər.
AZƏRTAC xəbər verir ki, missiyaya Qazaxıstan Respublikasının Parlamenti Məclisinin üzvü Serikjan Kanayev rəhbərlik edir.
Müşahidəçilərin Milli Məclisdə, Mərkəzi Seçki Komissiyasında, Xarici İşlər Nazirliyində bir sıra görüşləri nəzərdə tutulub.
Noyabrın 2-də TÜRKPA müşahidəçilər missiyası səsvermənin nəticələrinə dair mətbuat konfransı keçirəcək.
TÜRKPA missiyası üzv ölkələrdə keçirilmiş prezident və parlament seçkilərini müşahidə etmək məqsədilə 2010-cu ildən fəaliyyətə başlayıb. Təşkilatın müşahidəçiləri Azərbaycanda 2010-cu ildə keçirilmiş parlament, 2013-cü ildə keçirilmiş prezident seçkilərini də izləyiblər.
Bölmənin digər xəbərləri
