UEFA “Atletiko Madrid”in müdafiəçisi Stefan Saviçi cəzalandırıb
Bakı, 16 aprel, AZƏRTAC
UEFA “Atletiko Madrid” klubunun müdafiəçisi Stefan Saviçi cəzalandırıb.
AZƏRTAC xəbər verir ki, buna futbolçunun UEFA Çempionlar Liqasının 1/8 final mərhələsi çərçivəsində İngiltərənin “Çelsi” klubuna qarşı keçirdikləri cavab matçında (0:2) qırmızı vərəqə alması səbəb olub. Otuz yaşlı montoneqrolu futbolçu görüşün 82-ci dəqiqəsində London klubunun futbolçusu Antonio Rudigeri dirsəyi ilə vurub. Qırmızı vərəqə alaraq meydandan qovulan futbolçu, bu azmış kimi qarşılaşmanın baş hakimi Daniele Orsatonu da təhqir edib.
Buna görə, UEFA-nın Nizam-intizam komitəsi Saviçi avrokuboklardan 4 oyunluq diskvalifikasiya edib.
Bölmənin digər xəbərləri
