Cavid Hüseynov “Araz-Naxçıvan”ın baş məşqçisi olub
Bakı, 16 iyun, AZƏRTAC
“Araz-Naxçıvan” rəhbərliyi baş məşqçi vəzifəsinə Cavid Hüseynovu təyin edib.
AZƏRTAC xəbər verir ki, mütəxəssislə 1 illik müqavilə imzalanıb.
Futbolçu kimi müxtəlif illərdə “Turan”, MOİK, “Olimpik”, “İnter”, “Neftçi”, “Bakı”, “Qəbələ”, “Zirə”, Türkiyənin “Adana Demirspor” klublarının, həmçinin Azərbaycanın U-19, U-21, əsas millisinin formasını geyinmiş C. Hüseynov məşqçi kimi “Şamaxı” klubunda fəaliyyətə başlayıb. “Cəbrayıl”, “Turan Tovuz” klublarında da çalışan 38 yaşlı mütəxəssis bir müddət “Səbail”in də baş məşqçisi olub.
Bölmənin digər xəbərləri
