UEFA Avropa Liqasının ilk dörddəbir finalçıları müəyyənləşib
Bakı, 17 mart, AZƏRTAC
Martın 16-da futbol üzrə UEFA Avropa Liqasının səkkizdəbir final mərhələsinin cavab oyunlarına start verilib.
AZƏRTAC xəbər verir ki, Türkiyənin “Beşiktaş” klubu Yunanıstanın “Olimpiakos” komandasına böyük hesabla qalib gəlib. Rəqiblərini 4:1 hesabı ilə məğlub edən “Qara qartallar” dörddəbir finala vəsiqə qazanıb.
Günün digər matçı Belçikada keçirilib. Səfərdə rəqibini 5:2 hesabı ilə darmadağın edən “Genk” öz meydanında “Gent”i məğlub edə bilməyib. “Genk”1:1 hesablı bərabərliklə növbəti mərhələyə yüksəlib.
İspaniyanın “Selta” klubu isə səfərdə Rusiyanın “Krasnodar” kollektivinə 2:0 hesabı ilə qalib gələrək dörddəbir finala vəsiqəni təmin edib.
Bölmənin digər xəbərləri
