UKRAYNA MİLİSİ NARKOBARONLARA MÜHARİBƏ ELAN ETMİŞDİR
N.Bilokon 2003-cü ildə daxili işlər orqanlarının fəaliyyətinin yekunları ilə bağlı DİN-də keçirilən işgüzar müşavirədə qəbul olunmuş bir sıra qərarları şərh edərək demişdir ki, “narkotik maddələrdən daha dəhşətli bir bəla tanımır”. Eyni zamanda, o, Ukraynada narkotiklərə aludə olanlar barəsində rəsmi statistikaya şübhə ilə yanaşdığını bildirmişdir. Nazir demişdir: “Mən bu rəqəmin yalnız 120 mindən ibarət olduğuna inanmıram. Əslində, narkomanların sayı qat-qat çoxdur. Biz kimi və nəyə görə aldadırıq?”
DİN-in verdiyi məlumata görə, keçən il Ukraynada narkotik maddələrin qeyri-qanuni dövriyyəsi ilə bağlı 57 mindən artıq cinayət aşkarlanmış, narkotik vasitələrin yayılması ilə məşğul olan 3,8 min işbaz dəstə ləğv edilmiş, 2,5 mindən artıq narkoman yuvası bağlanmış, 22 tona yaxın narkotik maddə müsadirə edilmişdir.
