Ukrayna Silahlı Qüvvələrinin baş komandanı vəzifəsindən azad edilib
Kiyev, 8 fevral, AZƏRTAC
Ukrayna Prezidenti Volodimir Zelenski Silahlı Qüvvələrin baş komandanı Valeri Zalujnını vəzifəsindən azad edib.
AZƏRTAC xəbər verir ki, bu barədə Volodimir Zelenski müraciətində deyib.
“Mən iki illik müdafiəyə görə general Zalujnıya minnətdaram. Birlikdə əldə etdiyimiz hər bir qələbəyə görə minnətdaram və bu mübarizəni qəhrəmancasına davam etdirən bütün Ukrayna əsgərlərinə təşəkkür edirəm”, - deyə dövlət başçısı bildirib.
Prezidentin sözlərinə görə, onlar bu gün görüşdə orduda hansı dəyişikliklərin tələb olunması barədə açıq danışıblar. O, general Zalujnıya bir komandada qalmağı təklif edib və bildirib ki, onun razılığına görə minnətdar olacaq.
Volodimir Zelenski deyib ki, Ukrayna Silahlı Qüvvələrinin yeni baş komandanı vəzifəsinə Oleksandr Sırski təyin edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
