“Ulduzu gör” inkişaf proqramı davam edir
Bakı, 30 mart, AZƏRTAC
Təhsil Nazirliyinin dəstəyi, “T-NETWORK” təcrübə və kommunikasiya platformasının təşkilatçılığı ilə “Ulduzu gör” inkişaf proqramı davam edir.
Nazirlikdən AZƏRTAC-a bildirilib ki, növbəti proqram “Məktəbdə təşkilati davranış” mövzusuna həsr olunacaq.
Qeyd edək ki, proqram hər həftənin çərşənbə günü saat 19:30-da “T-NETWORK” platformasının tədqiqat və inkişaf üzrə baş mütəxəssisi Qoşqar Məhərrəmovun təqdimatında eyniadlı platformanın “Facebook” səhifəsi üzərindən canlı yayımlanır.
“Təhsilin məqsədi insanın içindəki ulduzu kəşf etmək və onu daha da parıldatmaqdır” ideyası ilə formalaşan “Ulduzu gör” inkişaf proqramının məqsədi öyrədənlərin şəxsi və pedaqoji bilik və bacarıqlarını inkişaf etdirməkdir.
Bölmənin digər xəbərləri
