Ulu öndər Heydər Əliyevin həyat yolu və fəaliyyəti böyük bir məktəbdir
Bakı, 10 may, AZƏRTAC
Azərbaycanın müstəqil dövlətçiliyinin formalaşmasında və möhkəmlənməsində ulu öndər Heydər Əliyevin böyük xidmətləri var. Məhz Ümummilli Liderin qətiyyəti və iradəsi sayəsində Azərbaycan dövləti müstəqil olub. Azərbaycanın dövlət müstəqilliyinin bərpasından bu günədək olan dövr respublikamızın ictimai-siyasi, sosial həyatında mühüm hadisələrlə zəngindir.
Bu sözləri Ümummilli Liderin anadan olmasının 93 illiyi münasibətilə Fəxri xiyabana gələn Azərbaycan Kooperasiya Universitetinin tələbəsi Ülvi Mirzəyev AZƏRTAC-a müsahibəsində deyib.
O bildirib ki, gənclərin inkişafı Ulu Öndərin ən çox diqqət yetirdiyi sahələrdən idi. Qətiyyətli, yenilməz bir insan olan Heydər Əliyevin həyatı gənclərimiz üçün əsl nümunədir. Heydər Əliyev kimi dahi insanın həyat yolu və dövlətçilik fəaliyyəti əslində böyük bir məktəbdir. Dünya şöhrətli siyasətçi Heydər Əliyevin uzaqgörən siyasəti nəticəsində bu gün Azərbaycanın müstəqilliyi dönməz və əbədi xarakter alıb.
Bölmənin digər xəbərləri
