Ümummilli lider Heydər Əliyevin xatirəsi Əbu-Dabidə anılıb
Bakı, 12 dekabr, AZƏRTAC
Ümummilli lider Heydər Əliyevin vəfatının 18-ci ildönümü ilə əlaqədar Azərbaycan Birləşmiş Ərəb Əmirliklərindəki səfirliyində anım mərasimi keçirilib.
AZƏRTAC xəbər verir ki, Azərbaycanın bu ölkədəki səfiri Mahir Əliyev mərasimi açaraq Ulu Öndərin şərəfli həyat yolu və zəngin dövlətçilik fəaliyyəti ilə bağlı geniş məlumat verib. Ümummilli Liderin müasir müstəqil Azərbaycanın memarı və qurucusu kimi fəaliyyətindən danışan səfir deyib ki, Ulu Öndər böyük dövlət xadimi kimi təkcə bu günün deyil, sabahın qüdrətli Azərbaycanının inkişaf istiqamətlərini müəyyənləşdirib.
Bildirilib ki, Heydər Əliyev ucalığının əsasında Azərbaycan xalqına olan sonsuz və təmənnasız məhəbbəti dayanır. Azərbaycan dövlətçiliyinin təməlinin qoyulması və möhkəmlənməsi, ölkəmizin inkişafı bilavasitə Ulu Öndərin adı ilə bağlıdır. Azərbaycan dövləti Ulu Öndərin qoyduğu irs əsasında hərtərəfli inkişaf edir.
Tədbir çərçivəsinə ümummilli lider Heydər Əliyevin həyat və siyasi fəaliyyətindən bəhs edən videoçarx nümayiş etdirilib. Sonda mərasimdə ehsan süfrəsi açılıb.
Bölmənin digər xəbərləri
