Ümummilli Liderin anadan olmasının 100 illiyi münasibətilə BSU-da beynəlxalq konfrans keçiriləcək
Bakı, 14 dekabr, AZƏRTAC
Gələn il mayın 4-5-də Bakı Slavyan Universitetində (BSU) Ümummilli Lider Heydər Əliyevin anadan olmasının 100 illiyinə həsr edilmiş “Azərbaycanşünaslığın mühüm məsələləri: tədqiqat, elmi diskurs və beynəlmiləlləşmə” mövzusunda beynəlxalq elmi konfrans keçiriləcək.
Bu barədə AZƏRTAC-a BSU-dan məlumat verilib. Bildirilib ki, “Heydər Əliyev və Azərbaycanşünaslıq”, “Heydər Əliyev şəxsiyyətinin fenomenologiyası”; “Heydər Əliyev və Azərbaycan təhsilinin inkişaf”; “Heydər Əliyev və Azərbaycan elmi”, “Heydər Əliyevin tolerantlıq və multikulturalizm siyasəti”, “Heydər Əliyev və Azərbaycan mədəniyyəti”, “Heydər Əliyev-Azərbaycan dilçiliyi və ədəbiyyatı” istiqamətləri üzrə təşkil olunacaq beynəlxalq elmi konfransın işçi dilləri Azərbaycan, türk, ingilis, rus dilləridir.
Beynəlxalq elmi konfransa tezislər 2023-cü il fevralın 1-dək qəbul olunur.
Elmi konfransda iştirak və tezislərin tərtibi qaydaları ilə bağlı ətraflı məlumatla BSU-nun saytının “Elanlar” bölməsində tanış olmaq mümkündür.
Bölmənin digər xəbərləri
