Unay Emeri Avropa Liqasında yeni rekorda imza atıb
Bakı, 16 aprel, AZƏRTAC
İspaniyanın “Vilyarreal” komandasının baş məşqçisi Unay Emeri Avropa Liqasında yeni rekorda imza atıb.
AZƏRTAC xəbər verir ki, 50 yaşlı mütəxəssis karyerasında 6-cı dəfə bu turnirin yarımfinalına yüksəlib. “Vilyarreal” dörddəbir final mərhələsində Xorvatiyanın “Dinamo” (Zaqreb) klubunu iki görüşdə məğlub edib - 1:0;2:1.
Emeri daha əvvəl İngiltərə “Arsenalı” və İspaniya “Valensiya”sı ilə yarımfinala adlayıb.
İspaniyalı baş məşqçi 2013/2014-cü, 2014/2015-ci və 2015/2016-cı mövsümlərində İspaniyanın “Sevilya” klubu ilə Avropa Liqasının qalibi olub.
Bölmənin digər xəbərləri
