UNEC-ə yaz semestrində 51 tələbə transfer olunub
Bakı, 30 mart, AZƏRTAC
2020/2021-ci tədris ilinin yaz semestrində Azərbaycan Dövlət İqtisad Universitetinə (UNEC) yerli və xarici ali məktəblərdən köçürülən tələbələrlə görüş keçirilib.
UNEC-dən AZƏRTAC-a bildirilib ki, köçürülən tələbələrin UNEC-lə daha yaxından tanış olması, müəllim-tələbə mühitinə adaptasiyası, eləcə də təhsil imkanları, yeniliklər barədə məlumatlandırılması məqsədilə keçirilən görüşdə elektron universitet, akademik təqvim, tədrisin təşkili, xüsusi təqaüdlər, “Bir pəncərə” xidməti, elektron kitabxana, tələbə təşkilatları, tələbə smart kartları və s. barədə ətraflı məlumat verilib.
Qeyd edək ki, 2020/2021-ci tədris ilinin yaz semestrində UNEC-ə 47-si bakalavr və 4-ü magistrant olmaqla, ümumilikdə 51 tələbə köçürülüb. Bakalavr pilləsi üzrə 44 tələbə yerli, 3 tələbə isə xarici universitetdən UNEC-ə transfer olunub.
Bölmənin digər xəbərləri
