UNEC “SABAH” məzunlarından magistraturaya qəbulda yüksək nəticə
Bakı, 3 avqust, AZƏRTAC
Bu il Azərbaycan Dövlət İqtisad Universiteti (UNEC) “SABAH” qrupları məzunlarının magistraturaya qəbulunda yüksək nəticə əldə olunub.
UNEC-dən AZƏRTAC-a bildirilib ki, “SABAH”dan məzun olan 216 bakalavrın 90 faizi magistraturaya qəbul olub. Məzunlardan 94 nəfəri yerli, 95 nəfər isə ABŞ, İtaliya, Türkiyə, Macarıstan, Polşa, Slovakiya, Çexiya, Estoniya, Litva və digər ölkələrin aparıcı universitetlərində magistratura təhsili almaq hüququ qazanıb. Məzunların bir çoxu beynəlxalq təqaüd proqramının qalibi olaraq Avropanın aparıcı universitetlərində təhsil alacaqlar.
Bölmənin digər xəbərləri
