“UNİBANK” İLƏ AVROPA YENİDƏNQURMA VƏ İNKİŞAF BANKI ARASINDA NÖVBƏTİ SAZİŞ İMZALANMIŞDIR
Bankdan AZƏRTAC-ın müxbirinə bildirmişlər ki, 7,5 milyon dollar məbləğində ikinci sindikatlaşdırılmış kredit “UniBank”a AYİB, habelə Avropa, ABŞ və Rusiyanın daha 6 bankı tərəfindən verilmişdir. AYİB-in kreditdə payı 2,5 milyon dollardır. A loan müddəti 3 il, B loan müddəti isə daha 1 il uzatmaq imkanı ilə 1 ildir. Kredit vəsaiti ilə kiçik və orta sahibkarlıq layihələri maliyyələşdiriləcəkdir.
“UniBank”ın idarə heyətinin sədri Faiq Hüseynov demişdir: “Hazırda “UniBank” ölkəmizdə xaricdən sindiktlaşdırılmış kredit cəlb edən yeganə bankdır. Bu, beynəlxalq maliyyə qurumlarının bankımıza göstərdiyi yüksək etimaddan, habelə bütövlükdə ölkəmizin bank sisteminin inkişafından xəbər verir”.
Sindikatlaşdırılmış kredit haqqında birinci saziş 2005-ci il aprelin 8-də AYİB, İngiltərə-Rumıniya bankı, “Austria Creditanstalt” bankı arasında imzalanmışdır. 5 milyon dollar məbləğində birinci kredit xəttinin 1,5 milyon dollarını AYİB 3 ilədək müddətə, 3,5 milyon dollarını İngiltərə-Rumıniya bankı və “Austria Creditanstalt” daha bir il uzatmaq imkanı ilə 1 il müddətinə vermişdir.
Bölmənin digər xəbərləri
