Uqandada ağır yol qəzası: 63 nəfər ölüb
Bakı, 22 oktyabr, AZƏRTAC
Uqandada baş verən yol-nəqliyyat qəzasında 60-dan çox insan həlak olub.
AZƏRTAC xəbər verir ki, yerli polisin “Facebook” sosial şəbəkəsində yaydığı məlumatda qəza nəticəsində 63 nəfərin öldüyü təsdiqlənib.
Qəzanın iki avtobus, bir yolsuzluq avtomobili və bir yük maşınının iştirakı ilə paytaxt Kampala ilə Qulu şəhəri arasındakı avtomobil yolunda baş verdiyi bildirilir. İlkin məlumata görə, avtobuslardan birinin sürücüsü yük maşınını, əks istiqamətdən gələn digər avtobus isə yolsuzluq avtomobilini ötməyə cəhd edib. Nəticədə iki avtobus bir-biri ilə toqquşub, daha sonra digər iki nəqliyyat vasitəsinə çırpılıb.
Bölmənin digər xəbərləri
