Vakant dövlət qulluğu vəzifələri üzrə ümumi müsahibədə 17 namizəd uğur qazanıb
Bakı, 4 sentyabr, AZƏRTAC
Səkkiz dövlət orqanında 28 vakant vəzifənin tutulması üçün fevralın 28-də elan olunmuş ümumi müsahibə davam edir.
AZƏRTAC Dövlət İmtahan Mərkəzinin saytına istinadla xəbər verir ki, bu gün saat 14:50-dək müsahibədə 17 nəfər uğur qazanıb. Onlardan 7-si Hesablama Palatasında, 5-i Qida Təhlükəsizliyi Agentliyində, 3-ü Kənd Təsərrüfatı Nazirliyində, 1 nəfər Bakı şəhəri Yasamal Rayon Məhkəməsində, 1 nəfər isə Bakı İnzibati Məhkəməsində müxtəlif vəzifələrə uyğun bilinib.
Qeyd edək ki, ümumi müsahibədə iştirak üçün 127 nəfər müraciət edib. Müsahibə sentyabrın 11-də yekunlaşacaq.
Bölmənin digər xəbərləri
