VELOSİPEDÇİLƏR 300 KİLOMETR YOL QƏT EDƏRƏK MİNGƏÇEVİRƏ ÇATMIŞLAR
Mingəçevir, 4 sentyabr (AZƏRTAC). Gənclər və İdman, Xarici İşlər, Ekologiya və Təbii Sərvətlər nazirliklərinin birgə təşkilatçılığı ilə Bakı-Gəncə marşurutu üzrə hərəkət edən “Azərbaycan-Avropa velosiped yürüşü”nün iştirakçıları sentyabrın 4-də Mingəçevir şəhərinə çatmışlar.
AZƏRTAC xəbər verir ki, qonaqları şəhərin giriş qapısında icra hakimiyyətinin nümayəndələri qarşılamışlar. Aksiya iştirakçıları “Kür” Olimpiya Tədris-İdman Kompleksinin inşası ilə tanış olmuşlar. Qonaqlara məlumat verilmişdir ki, ölkə başçısı İlham Əliyevin təşəbbüsü və yaxından köməkliyi ilə yenidən qurulan bu kompleksin MDB ölkələrində analoqu yoxdur.
Əlli nəfərlik nümayəndə heyəti sentyabrın 5-də Gəncəyə yola düşəcəkdir.
Bölmənin digər xəbərləri
