VERGİLƏR NAZİRLİYİ OPERATİV NƏZARƏT TƏDBİRLƏRİNİ DAVAM ETDİRİR
Vergilər Nazirliyinin ictimaiyyətlə əlaqələr şöbəsindən AZƏRTAC-a bildirmişlər ki, əhali ilə nağd pul hesablaşmalarının aparılması qaydalarına riayət olunmasına, bu zaman nəzarət-kassa aparatlarından istifadəyə və vurulmuş kassa çeklərinin alıcılara təqdim edilməsinə nəzarət məqsədi ilə iyulun 24-dən başlanmış genişmiqyaslı operativ yoxlamalar davam etdirilir.
Nazirliyin operativ nəzarət idarəsinin məlumatına görə, sentyabrın 7-dək 88.009 obyektdə nəzarət tədbirləri keçirilmiş, bu zaman həmin obyektlərdən 21.701-də qanunvericiliyin pozulması faktları aşkar edilmişdir. Qanun pozuntularına yol vermiş obyektlərə 1.973.477 AZN məbləğində inzibati cərimə kəsilmişdir.
Operativ nəzarət tədbirləri davam etdirilir.
Bölmənin digər xəbərləri
