VƏZİYYƏTİ GƏRGİNLƏŞDİRƏCƏK İSTƏNİLƏN POTENSİAL ADDIM ÜMUMƏN REGİONAL İNKİŞAFA BÖYÜK TƏSİR GÖSTƏRƏ BİLƏR
AZƏRTAC-ın verdiyi xəbərə görə, bu fikri Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə FRANS PRESS agentliyinin müxbirinin sualına cavabında bildirmişdir. Dövlətimizin başçısı demişdir ki, biz nüvə proqramı ilə bağlı problemin həll edilməsi üçün beynəlxalq birliyin bütün imkanlardan istifadə etməsini gözləyirik. Sanksiyalara gəlincə, Azərbaycan bu sanksiyaları dəstəkləməyəcəkdir. Hesab edirik ki, belə sanksiyalar səmərə verməyəcəkdir. Onlar məsələnin həllinə aparıb çıxarmayacaq, yalnız regiondakı vəziyyəti daha da gərginləşdirəcəkdir.
Prezident fikrini əsaslandıraraq söyləmişdir ki, bizim İranla yaxşı münasibətlərimiz, uzun, min kilometrdən artıq sərhədimiz var və fəal ticarət əlaqələrimiz mövcuddur. Buna görə də biz çox narahatıq ki, vəziyyəti gərginləşdirəcək istənilən potensial addım ümumən regional inkişafa böyük təsir göstərə bilər.
Bölmənin digər xəbərləri
